Parivaar Ko Emotionally Strong Kaise Bnaye

Family, Parivar… Agar dekha jaye to family sabke liye sabse jyada important hoti hai. Sab log apni family … Apne parivaar ko bahut pyaar karte hai aur inke bina rehne ka soch bhi nahi sakte Aur kabhi bhi family mein koi problem aa jaye to unka usko handle krna kayi baar bahut mushkil ho jata hai … Aur parivaar par jab koi bda dukh aa jata to logon ka us dukh ko seh paana bahut mushkil bhi ho jata hai.

To aaj main, Shivshi isi topic par baat karne ja rahin hoon ki kaise apne Parivaar ko Emotionally strong bnaye ki vo badi se badi aane vali Problem ko assani se handle kar sakein… aur kisi bhi dukh ko sehan karne ki shakti unke andar ho. 

Pehle samay ki agar hum baat karein to badi se badi problem ko bhi log easily handle kar lete the… Dukh kaisa bhi unke andar ho usko sehne ki himat unke andar hoti thi. Apne Parents ki hi baat karein to kaisi bhi situation, problem aur dukh aa jaye vo kabhi bhi aisi situation se haar nahi mante… balki ulta himmat rakhte hai aur us situation ko handle karte hai…

Par ab ke samay mein bilkul bhi aisa nahi hota … choti choti problem se log haar maan lete hai. Problem ko solve karne ki bjaye vo problem se bhagte hain. Zindagi mein bahut jaldi haar man jate hain…

Ek example, deti hoon aapko ab ek family hai.. Ab unki apne bachon ke future ko lekar kya soch hoti ki? Life mein jo jo problems aur kamiyan humne feel ki hain vo kabhi bhi humare bcche na feel karein …. Unko life mein har comfort mile, har vo facilities mile jo ki shayad future mein humein na mili ho….

Is ek sapne ko poora karne ke liye vo family …Parents poori umar struggle krte rehte hai apne bccho ke future ke liye apni icchaon ko khatam kar dete hain…  Ab hota ye ki vo apne bcchon ko badde se badde school mein bhejte hain. Har facilities provide karte hain, Jiski vajah se koi chances hi nahi hote jiski vajah se unke baccho ko koi problem aa sake.Ab samay ye hai ki, bacche school mein top kr rehe sab best chal raha …. Par problem tab aati hai jab ve higher study ke liye College… University mein ghr se door jate hain … Jahan unko life mein actual struggles karne pdhte hain …Ek nayi life start hoti hai. 

Kayi baar bcche vo pressure jhel nahi paate Aur life mein jald hi haar maan lete hain… kayi sare logo ne aisi problems ko apni life mein face kiya hota hai… Par kabhi aapne socha hai ki aisa kyun hota hai?

Yahan galti baccho ki nahi hai jo situation ko handle nahi kar paa rahe. Galti parents ki ki hai jinhone baccho ko inn sanskaron ki jankaari hi nahi di, Unko sikhayea hi nahi ki kaise problem ko face kiya jata hai. Bachpan se hi itna comfort diya hota ki Jab time struggles ko face karne ka aata to ve zindgi mein haar maan baithte… Jab ki parents ko ye chahiye tha ki bachapan se hi unko sikhayein ki kaise kisi bhi situation ko handle karna chahiye … 

Agar bachpan se hi unhone apne bacchon ko problems ko face karna sikhayea  hota to ye problems na atti. Isliye ye bahut hi jaroori hai ki bacchon ko independent rakha jaye aur life mein vo kisi bhi pdhav pe haar na mane.

Responsibilities

Doosri main baat karne ja rahi hoon responsibilities ki, Parivaar mein agar ek hi insaan par sari responsibilities aa jayengi to ek waqat par vo bhi pareshan ho jayegaa … aur vo member kabhi kisi din ghar mein maujud na hua to baki family members ko survive karne mein kayi sari problems aayeingi, kyun ki baki family members ne kabhi sikha hi nahi hota ki kaise problems ko face kiya jata hai.

Isliye ye bahut jaroori hai ki family mein rehne vale har member ko responsibilities ki jankari ho. Family mein rehte har member ko ek-ek responsibility deni chahiye…Jisse ve independent honge aur risponsibilities ko nibhana sikhenge Aur aise mein parivaar mein kisi ek member par bhi jyada bhoj nahi aayega Aur parivaar mein rishtey healthy aur strong bane rahenge.

Agar hum in jaruri baaton ka dhyaan rakhenge to parivaar kabhi bhi emotionally weak nahi padega aur zindgi ki mushkil se mushkil problem ko badi asani se handle kar payega. Umeed hai ki Mere is Article se aapko kafi madad milegi. Aapka Agar koi bhi Sawaal ho Aap Mujse comment box mein comment karke pooch sakte ho. Mujhe aapke sawaalo ka intezaar rahega.

Add a Comment

Your email address will not be published. Required fields are marked *