Kisi Ko Bhulne Ke Liye Kya Kare – 8 Lajawab Tips

Kisi ko bhulna aasan toh nahi hai, par haan ek koshish toh kar hi sakte hai. Hello friends, Aaj hum kuch sad se mahool mein doobne ja rahe hai..kya karein hamare bahut sare friends ko pyar me dhoka mila hai or wo use sach me bhulna chahte hai but aisa kaise hoga. Aur ye toh hum sab jante hai, jise dil se chaha ab usi ko dil se nikalna kitna hi mushkil ho jata hai. Main samajhti hu aapki problem but ab aapko aise problem mein toh nahi chod sakti na, aakhir kar aapki friend hu..toh chalo phir aaj aapki ye friend batayegi aapko Kisi Ko Bhulne Ke Liye Kya Kare.

Usko bhulna mushkil zaroor ho sakta hai lekin namumkin nahi toh aaj hum koshish karte hai, iss mushkil ko aasan karne ki. Isme kuch tips toh kafi asan aur powerful hogi jo aapki sach mein help kar payengi. 

 Kisi Ko Bhulne Ke Liye Tips Kisi Ko Bhulne Ke Liye Tips

Waise mostly aise bhulne bhulane ki baatein toh love relationship me hi aati hai, friends ke case mein toh aisa bahut hi rare hota hai. Aur aap ek baar kisi serious relationship me padh gaye, toh use bhulana toh namumkin jaisa lagne lagta hai, kyunki aap ne use apna sab kuch maan liya hota hai. Aap apne dhoke ke dar se bahar nahi aaye hote ki uski yaadein, uske sath bitaya hua har pal aapko stane lagta hai aur aap us se door jane ka sochne lagte hai. Ab aap dhoondne lagte hai us se door jane ke tarike, Use kaise bhule.

1. Unse Door Rehne Ki Koshish KaroAlways Thinking Of Something Else

Agar aap kisi ko bhulna chahte ho toh jitna ho sake unse door raho. Door hone ka matlab hai unke sath or unki kisi bhi cheez ke sath kam se kam contact rakho. Jaise ki humne commonly dekha hai ki jin se hum pyar karte hai aur agar wo hume chod jate hai toh hum unka number bar bar dekhte rehte hain, unko call karne ki koshish karte hai, photo dekhte hai, but acha yhe hoga agar hum iss sab se door rahe. Ye sab se acha tarika hai usko bhulna shuru karne ka.

2. Uski Yaadon Se Doori Banaye Rakhna Aapke Liye Acha Hoga

Apne aap ko jitna ho sake uske yaadon se door rakho. Agar aapke paas koi aisi cheez hai jo aapko unki yaad dilati hai toh use apne se door rakho. Uski photos, gifts, contact number or bahut kuch ho sakta jo apko uski yaad karwa raha hai, toh in sab se hat ke kahi  aur dhyan lagane ki koshish karo. Agar aapke paas aisa kuch nahi hoga jo aap ko unki yaad karwa raha hai toh aapke liye unko bhulna bahut aasan ho jayega. 

3. Romantic Videos Or Movies Na Dekho

Jab aap kisi ko bhoolne ki koshish kar rahe ho, toh aapko romantic movies or videos or songs avoid karne chahiye. Kyunki uske lyrics, uske moves aapko unki yaad dila sakte hai. Toh aap phir apne yaadon ke idiot box mein chale jaoge. No doubt aapko waise he romantic movies pasand ho sakti hai, ho sakta aapki choice ho but still aap us time pe un movies ko enjoy nahi kar paa rahe ho, toh aapko aisi movies avoid karna hi acha hai.

4. Unse Forcefully Nafrat Mat Karo

Generally, log kya karte hai, jinse wo pyar karte hai, unse forcefully nafrat karne ki koshish karte hai. But iss se hota ye hai ki wo unhe center of attraction bana lete hai. Unka sara dhyan chahe unhe nafrat karne me chala jaye but iss nafrat ke sath wo ye bhi bhul rahe hai, ki dhyan toh unki taraf hi hai, chahe woh nafrat ho ya pyar. Toh friends, aapne aisi galti nahi karni. Kabhi khud ko ye mat bolo, “Main use pyar nahi karta”, “Wo bahut buri the”. But hamesha khud ko yeh batao ki uske sath jitna time gaya acha gaya, yaad rahega wo time. Aap dekhoge ki aisa karne se aapko unhe bhulna kitna aasan ho jayega.

5. Apna Focus Bana Ke Rakho

Usko apna centre of attraction banane ki jagah aap apna ek goal set karo, jise achieve karne me aap itna busy ho jao ki aap ko uske liye waqt hi na mile. Jitna hi time aap use dete the, ab wo time apne goal ko do jo aap achieve karna chahte ho. Apne dreams ke peeche itne tezee se bhago ki wo uski yaad bhi peeche chhoot jaye. Apni is activity ko itna interesting or mazedaar bana lo ki aap usme puri tarah kho jao or aapko uski yaad toh kya time ka hi pata na chale. Aisa karne se aap apne aap mein bahut change dekhoge aur aapko pata lagega ki usko bhulna itna bhi mushkil nahi hai aur kahi na kahi aap uske wajah se apni life mein bahut kuch miss kar rahe the.

6. Badla Lene Ki Na Socho

Ek cheez hamesha yaad rakhna,”Living well is a Best Revenge”. Agar aap uske samne haske khush hoke aur ek normal life mein rehte ho, jis se use lage ki uske jane se aapko koi farak nahi pda toh iss se acha revenge koi nahi ho sakta. Revenge lene se aap unhe show karte ho ki aap unhe abhi bhi bhul nahi paye ho, matlab you are not over them. But aisa toh kuch nahi hai, aap unke bina reh sakte ho, agar wo move on kar sakti hai toh aap kyu nahi. Aur ek aur cheez, is time pe aap emotional trauma mein ho aur agar is time pe aap unse revenge lene ka sochte ho toh aap kuch galat bhi kar sakte ho, jise aap baad me regret karo isliye aisa kuch kabhi mat karna friends. Ye ek problem se nikal ke doosre mein dal degi.

7. Apne Mind ko Divert Karo

Apne mind ko divert karne ke toh aapke paas bahut ideas hain. Jo time aap uske wajah se apne friends ko nahi de paa rahe the, ab apne friends ko time do. Iss case me friends bahut strength dete hai hume. Wo hume actual me samajhte hai or support karte hai. Wo aapka dhyan zaroor divert kar sakte hai. Unke sath outing pe jao, bahar ghumo, time spend karo, enjoy karo, movies dekho. In sab se aapko lagne lagega ki single life kitni achi hai. Chahe aap apne relationship mein kitne bhi khush, satisfied ho but friends jaise masti or satisfaction kahi nahi milegi.

Apne friends ke sath apni family ko bhi time do, jinse aap cut off ho chuke the thode time se. Aapko unke sath baith ke bahut acha lagega. Apne siblings, apni mom, dad, relatives, sab ke sath time ka pata bhi nahi chalega aapko. Toh is technique se aap use bhulane mein kafi kaamyaab honge.

8. Apne Mind Ko Btao Jo Aapke Sath Ho Chuka Hai

Sabse badi cheez aapke liye aur aapke mind ke liye ye accept karna bahut zaroori hai ki “Haan wo actual mein ja chuke hai.” Apne aap ko kabhi uske wapas aane ki umeed na do, isse aap use kabhi bhul nahi paoge. Toh pehli cheez jo zaroori hai, apne mind ko convince karna, isse aapka 40% kaam ho jayega. Aap khud se ache se baat karo, kya hua tha kaise hua tha or kyu hua tha. Sab cheez ko samjho aur apne dil ko batao jo bhi hua acha hua. lekin ab jo hoga wo aur bhi acha hoga. 

Toh kya ab in sab tips ke baad mein soch sakti hu ki aap use bhul jaoge. Kya ye Kisi Ko Bhulane Ke Mantras aap pe chale ya nahi, mujhe btana zaroor. Thoda mushkil hua hoga bhulna, but mere friends toh kafi talented hai, pyar karte hai toh shidat se, aur bhulenge toh shidat se. 🙂 

Toh ab nirash toh nahi karoge na mujhe. Maine bhi toh aisa kuch experience kiya hai, aur apni ini tips se bhool bhi chuki hu use. Ab bas aap ke sath time ka pata hi nahi chalta. Toh bas phir aap bhi apne friends ki help se use bhulne ki koshish karo. main wait karongi aapse phir milne ki. aapki phir help karne ki. See You Soon… 😛 

Add a Comment

Your email address will not be published. Required fields are marked *