Ek Ladki Baar Baar Dekhti Hai, Usse Dosti Ke Liye Baat Kaise Start Karu, Kya Baat Karu Tips

Girls ke viewpoint ko jaana sach me bahut mushkil hai par humari kuch special tips se aapki problem ka solution mil sakta hai. Woh ladki aapko baar baar dekhti hai toh iska ye matlab hai ki ladki aap mein interested hai toh bas ab apne kuch aisa karna hai jisse baat agye bhad sake. Girls se baat karna itna bhi mushkil nahi hota hai jitna aap samjhte hai, jaise aap darte hai waise hi girls aap boys se baat kerne mein darti hai. Jab woh ladki aapko baar baar dekhti hai aap usko smile dena na bhul lein isse aap usse asani se dosti kar sakte hai. chaliye hum aapko kuch tips dete hai ladki se dosti kaise kare aur baat kaise shuru kare.

How To Talk with A Girl

How To Talk with A Girl

Agar koi ladki aap mein interested hai toh agla step aapne hi lena hai kyunki girls yahi sochti hai ki boys hi agye bhad kar unse baat karege aur agar aesa aap boys nahi karte hai toh girls ko lagta hai ki aap mein attitude hai, so aap ye moka apne hath se jane na dein. Agar ladki aapko baar baar dekhti hai toh aap usko response zarur kare like aap usko “Hey” bol sakte hai ya “smile” de sakte hai isse aapki baat agye bhad sakti hai.  Aap uss ladki ko ruk ker baat bhi kar sakte hai aap usko apne baare mein bataye saath hi uske baare mein puche agar aap log first day itni hi baat kare isse aap dono ke bich excitement bani rahegi, second time jab mile toh unse puche ki itna time kya kiya aur kuch questions uski life ke baare mein puche likes Hobbies, Likes, Dislikes and so on. Ek din mein zayada baat na kare kyunki ye aapke liye acha nahi hai agar aap sari baatein ek din mein kar lege toh baki din kya karege apne step dheere dheere hi lena hai.

Impress Her

Impress Her

Jab aap usse baat kare toh aap apni life ki sari achievements ke baare mein zarur bataye, isse aapka impression bahut acha padega. Be cool with her like aap typical men’s jaise na rahe hasi mazak karte rahe isse ladki ka aap mein interested rahegi aap uske sath kuch aesi cheeze try kare jisse aap dono enjoy kar sake koi aesi place aap uss ladki ko suggest kare jisse woh aapko mana na kar paiye like any kind of games, paint ball and so on.

Looks

Looks

Aapke looks bahut matter karte hai kisi bhi date ke liye aap apne look par dhiyan dein aur aapne aapko maintain rakhe. Proper decent haircut, shave, pressed your dress perfume ye sab ladkiya zarur notice karti hai chahe woh kitni bhi cool ho. Aap baaton hi baaton mein jane ki usko kya pasand hai aur aap chahe toh ek surprises gift bhi dein sakte hai.

Be Yourself

Be Yourself

Ek baat yaad rakhe ki jaise hai waise hi act kare extraordinary cheeze kare but ek limit mein kyunki aap hamesha kisi dusare ke jaisa act nahi kar sakte hai. Behtar yahi hai ki jaise hai waise hi rahe agar kisi ko aapko pasand karna hoga woh aapko waise hi pasand kar lega aur agar nahi pasand karna hoga toh aap jitna try kar lein koi faida nahi.

Talk About Her Current Experience

Talk About Her Current Experience

Aap uss ladki se uske current experience ke bare me jan sakte hai ki woh kya kar rahi hai kya kya kiya hai agye kya karna chahte hai. Aise kuch questions se ladki aapke baare mein positive rehti hai, aur aapki good image samne aati hai agar aap hamesha apne baare mein hi baat karte rahege toh baat thori selfish sound karegi isliye aap dono ko apne conversation ko balance rakhna hoga.

Talk About Some Partiality

Talk About Some Partiality

After some time aap usse kuch aur baat bhi kar sakte hai like her personal plans ki woh kis baare mein passionate hai ya konsi aesi cheez hai jo unko bahut khush karti hai. Yaha aap apne baare main bhi bata sakte hai ki aap kis baat ko leke passionate hai aap ye bhi bata sakte hai ki aap kis type ki girls ko pasand karte hai aur unke kis type ke ladke pasand hai isse aap dono ek dusare ke bare mein thora aur jan jaiyege. Aap koi bhi topic par baat kar sakte hai like Music, Movies, Favorite Places, Cafe, Restaurants, Family, Best Friend, Best Cousin and so on ye bahut interesting topic hai jisko aap share kar sakte hai.  

Find Common Things

Find Common Things

After some weeks aap usko kahi bhar leke jaa sakte hai. Par ek baat ka khayal rakhe ki usko shopping ke liye direct na puche for example: Aap uss ladki ko aise puch sakte hai ki, aapko apni sister ya mom ke liye kuch shopping karni hai kya aap meri help kar sakti hai agar aap help karegi toh thora easy ho jaiyega, aise usse bhar leke jaiye aap dono acha time spend kar sakte hai aur ladkiyo ko waise bhi apni importance pasand hoti hai. Next time aap dono thore open ho jaiyege ek dusare se toh aap usko movie ke liye puch sakte hai ek baat yaad rakhe ki first movie comedy honi chahiye hai kyuki abhi aap log friends hai agar romantic movie ke liye jaiyege toh thora awkward ho jaiyega.

Relationship

Relationship

Ye relationship ka topic i swear sabse best hota hai, jisse har ladki enjoy karti hai aur jitna marzi kitni bhi der tak baat kar sakti hai. Even aap dono ke pass is topic ke liye itni baatein hogi ki aap soch bhi nahi sakta hai, aise aap dono ke opinion bhi pata lag jaiyega about relationship ki aap dono kis type ka relationship chahate hai never know aap dono ko ek dusare ka saath itna pasand ajaiyega aur aap friends se kab lovers ban jaiye.

Be Careful

Be Careful

Aap zayada baat na kare isse girls irritate ho jati hai aur aapko ignore karne lag jati hai. Aap apne relationship mein thora space bana kar rakha kare isse aap dono ka interest bana rahega. girls aise attract bhi hoti hai aur aap ek dusare ki company ko enjoy karege jaisa ki maine aapko bola ki aapne conversation mein balance bana kar rakhe. Faltu hasse na irritate na kare aur sensible baat kare. 

Yeh thi kuch ultimate tips aapke liye. Aap ab confident ke sath kisi bhi ladki se baat kar sakte hai aur woh impress bhi ho jaiyegi. Aapko koi aur question ho kisi bhi topic se related to comments kare aur yeh tips apne friends ke sath zarur share kare.

 

Question & Answer

  1. Lalit Yadav

Hello shivshi mam, I am a die hard fan of you. Maine aapke sabhi articles kai kai baar pdhe h Aur ab tk main kafi batain seekh gya hun. Pr ab Mujhe aapki personal opinion ki jrurt h meri problem k liye.

My difficulty:-

Mere tuition class m ek ldki Mujhe bhut achi lgti h

Aur meri class m achi Khasi reputation bhi h main kafi popular ldka hun positive sense main.

Main usse thodi bhut baat kr leta hun Aur wo bhi Theek sa hi response deti h Mujhe

Phir Maine ek din usko kha that “I Like You”

To wo thodi shock ho gyi Aur bolo,” Pr mera asa koi scene nhi hai, main like nhi krti”

To Maine uska chakkar chod Diya or apni life main busy ho gya

Pr mere birthday pr uska message aaya messenger pe

” Happy birthday many many returns of the day…”

Maine bhi Thank you bol Diya.

Ab main confuse hun ki jb usne Mujhe bhar ka Rasta dikha Diya Aur wo Mujhe dislike krti h to Mujhe birthday wish Kyun kr rhi h.

 

Please give me your opinion on this matter. What is this happening, and what should be my next step.

-Lalit

Answer:

Firstly, Thank You So Much Lalit Mere Articles Padhne ke liye. Lalit aapki Problem Jyada mushkil nahi hai… Bas yahan par aapko Thoda Sabar aur Samajhdar ke sath kaam lena padhega. Pehli baat to ye ki Agar Usne aapko Birthday Wish ki Hai To bas Samaj Jayein Ki Vo aapse nafrat to nahi karti aapko Pasand karti hai… bas ladkiyan apne dil ki baat ko itni jaldee accept nahi kar pati, Isiliye aapko chahiye ki aap usey thoda time lene dein.

Dosti Bana kar rakhein jisse vo aapke dil ki baat jan sake aur aap unke dil ki baat.

  1. Akash:

Hello mam,i’am aakash from Delhi .mam Mai ek ladki ko apni girlfriend banana chahata hoon ,jaisa ki Maine aapke post padne ke baad Maine usse baat bhi ki,par us ladki ka achanak aana jaana band ho gya.maine use kuch din pehele dekha par Mai usse baat shuru kaise kru?please help me!

Answer:

Hello @Akash main aapki Problem ko Samjhati hoon. Ye ho sakta hai us ladki aapki koi baat boori lagi ho jis vajah se usne aapse baat karni band kar di ho. Isliye pehle problem ke bare mein jane … unse poochein ki usko aapko koi baat boori to nahi lagi.

 

  1. Sid

Meri girlfriend kal tak thik thi but aaj uska ek text msg aaya…Ki me apke sat relation me nhi rah sakti..Sorry.

Mein koi jawab nhi diya…Mam batao kya kru

Answer:

@Sid jwab na dena kisi baat ka Solution nahi hota. Aap pichein ki unko problem kaha aa rahi hai hai. Agar family valo ki taraf se koi problem to Samjhayein ki ye problem hum mil kar solve kar sakte hain…. Aur ye bhi ho sakta ki kya pta usko aapki anjane mein koi baat boori lag gayi ho. To aap unse baat jaroor karein.

  1. Samar

madam ji hum ek ladki se class 10 se pyaar kar rahe hai 12 tak ek saath padhe hum dono baat bhi karte the lekin pata nahi kaise usko maaloum ho gaya ki mai usse pyaar karta hun naa vo mujhse baat karti aur na hi mai usse baat karta hun ab uska admission girls college me ho gaya hai ab mai kaise apna pyaar paaun please….help

Answer:

@Samar Main aapki Problem Aur aapke Dil ka Haal Samajhti hoon. Aap Social media … yaan usey call karke apni feelings uske sath share karo… vo aapki feeling ko jaroor samjhegi … bas dhyan rakhein usse baat karte samay uski feelings ko bhi samajhe … uske answer ke liye usey force mat karna … bolna ki aap sochne ke liye jitna time lena chaho le sakti ho. Vo jaroor Samajhegi aapki Feelings ko.

  1. Vivek

hello dear,
me ek Ladki Ko like krta hu
vo hmare samne hi Rehti he Hum dono ek class me hi he ….,bas school different he …..Hum dono ek dusre ko 2-3 mhino se hi jante he …..and Jab bhi me uski side Dekhta hu Vo muje Smile bhi deti he…., meri drawing achi he so Mene Uske Ghar ki drawing bhi bnayi thi Use vo bhut pasand aayi …..,muje usse friendship krni he ,,,,Mere friends ne kha ki Agar smile deti he to puch lena ..but muje dar lgta he ki khi vo mna na krle and Muje hate krne na lge…
so plz help me Me kya kru

Answer:

@Vivek Apko Darne ki Koi Jaroorat nahi, Mana Apne Crush se, jise hum pasand karte hai usse baat karte time har koi conscious ho jata hai… par ye bhi socho ki agar aap darte hi rahe to kya hoga…. Aap kabhi bhi usse Friendship nahi kar paoge… To Daro Mat siddha jakar apne dil ki Bat bta do bina result ki tension liye.

  1. Laxmi

Hello mam mera name laxmi hai mai ek ladke se pyar karti hu mam .. Hum 4 sal hua humare relationship ko .but humare jagde hote tha mam but … Solve bhi hote tha but mam abhi to humar breakup hua hai.. Mai bhot parashan hu mam.. Mam breakup ka kara hai ki muj mare school friends messge karta tha mam but mare bf ko pata chala mam . Aur mare friend ke alava muje aur unknown person boys message kar tha te mam… Use pasanda nahi aaya mam … Bf ne mera satha breakup kiya but muje use ke sath relationship mai rahana hai mam.. Mai kya karu please help me mam ……

Answer:

@Laxmi, Main aapki Problem ko Samajhti hoon. Yahan Par AApko thoda samajhdari Se Faisla lena padhega. Agar aap sahi ho to aap bolo ki agar pyaar hai to trust hona bhi jaroori hai relation mein.

Bina Trust ke koi Bhi rishta Strong nahi Banta

  1. Ashu

Hi shivshi
Mein 1 ladki sa bahut pyaar karta hun
Lekin hamare beech bahut time sa baat cheet band thi lekin aaj uka whatsapp massage aaye h usko kya reply karu
P”ls suggest me

Answer:

@Ashu Pyaar mein Ego ki koi jagah nahi. Agar pyaar karte ho to sab reply jaroor karo … Usko Pucho ki Kya Problem aayi thi Jo Baat karne Band ki…. Sab theek to hai na?

Isse uske samne aapka ek positive attitude Show hoga.

  1. Jai Thakur

Hii Shivshi,
Sabse pehle to apke liye chhota sa proposal meri taraf se (can we be friends ) and then I start my metter……. Shivshi acchully bat ye hai ki abhi hal hi mene ek new office join kiya hai jisme ek girl already work karti hai, and wo mjhe bht achhi lagi, and wo sayad mjhse senior bhi hai, to ab me usse bat chit kese start karu ki wo khud mjhse lv karne lage, ESA kya kiya jay ki wo mjhse impress ho Jaye, aur abhi ek do bar lunch tum m bat Hui bhi thi usse, ek bar uska b day tha and in sari girls me after office party ki thi hamare manager mem me room me, m boys KO nahi bulaya tha, and next day wo mere cabin me aai kuchh se tab mene use kaha suman kal apka b day tha kya to usne yes bola to mene use belated hbd wish kiya and usne mjhe thanxx b kaha and next day lunch tym m ham boys lunch karte hai us room me aai 2 more girls ke sath, aur mjhse kaha kya bat hai khana khana k life puchha b ni aur mere pas beth gai MRE sofe par fr thodi der khane k regarding bat chit chalti rhi aur fr meri lassi(chhach) ki bottle utha k boli ye lassi kon laya hai mene bola m laya hu to usne mangi n mene thodi lassi leke usko bottle de di, n aj jb wo lunch kar chuki thi tab mene kaha medam khana k liuye pucchha b nahi,………….. To shivshi ab batao kya karu ab me bat e age kese bade, aur plzzzzzzz shivshi mjhe jabab ya to mail I’d pe ya whtsp ya fb pe Dena rqst hai plz plz plzz

Answer:

@Jai main aapke dil ka haal samaj sakti hoon. Aapki baton se ye to pata chal hi gya ki aap dono mein thodi bahut baat cheet to hoti hi hai. Ab Bas Acche dost bnne ka time hai… Acche friends Ban jaoge to Ek doosre ke sath Jayda se jyada Time spend kar paoge aur ek doosre ko jaan Paoge… Fir mauka milte hi apne dil ki baat ussey bata dena…. Vo Apki feelings ko jaroor samjhegi.

  1. Armaan

Mam My Name Is Armaan
Me ek ladki se bahut Pyaar Karta Hu
Bo Meri Best Friend He Uska Bhi Me Best Friend Hu Hum Dono Ki Dosti Bhot Gehri He Hum Dono Apni batein Ek doosre Se Share Karte He Ek Doosre Par Bhut Trust Karte Me Use Pyaar Karne Laga Hu Or Uske Bina Nai Jee sakta Mene Uske Sath flirt Kia He To Usne baton baton Me kaha bo meri best Friend Rehna Chahti He Lekin Mujhe Uska Pyaar Chihiye Mene Use apne dil ki bat abhi tak nai batai pr Ab Batana Chahta Hu Mam Plz Help Plz me use bhot jyada hi pyaar karta hu ap meri help kare ki me use kese propose karu Ki Bo na keh hi na paye or propose Karte Waqt kya bolu plz mam help me

Answer:

@Armaan aap Jayda tension na lo… bas aap shanti se jakr usse baat kro usko apne dil ki sari baat bol par shanti se hyper hokar nahi. Aur usey sochne ka poora time bhi dena … vo aapko shod kahin nahi jayegi. Trust me.

  1. Annu Verma

Mera name annu hai or mai apne bf se bohot pyar kerti hu. Mujhse ek galati ho gyi thi or vo galati ye thi ki mere uncle ka ek ladka hai jo mujhe like kerta hai or jb usne mujhse baat ki to mai bahek gyi or mne kuch time usse baat ki per mne ye baat apne bf ko bta di thi per mne jo galati ki vo ye ki mne uss ldke ko apni pic send kerdi or ye baat mere bf ko jb pta chali to vo bohot sad ho gya hai or mai apne bf ko iss tereh nhi dekh skti plzzzz help me … Mujhe btaiye mai kya keru..aap mujhe mail se reply ker dena plzzz mujhe or bhi kuch puchna hai plzzz help me plzzzz

Answer:

@Annu , main aapki problem ko saamjhti … Galti to mana sabse hoti hai bas ab time hai galti ko sudharne ka. Aap Apne partner se sabse pehle to mafi mango aur bharosa dilao ki ye galti kabhi dovara nahi hogi… apne pyaar ka aur uske liye apni feelings ka khul kar izehaar karo. Trust me sab theek ho jayega.

28 Comments

Add a Comment

Your email address will not be published. Required fields are marked *