Anjan Ladke Se Baat Karne Ke Tarike

Aisa to hota hi rehta hai ki… ladkiyon par bahut saare ladke lattoo hote hai, jinhe vo jaanti bhi nahi vo bhi piche pad jaate hain yeh to vahi waali baat ho jaati hai “jaan naa pehchan main tera mehmaan” lekin shayad aapse koi puchta bhi nahi hoga ki aapko kon pasand hai, aap kis par lattoo ho! haina.. sahi kaha naa maine?

Vaise to bahut se ladke picha karte hai, yahan tak ki ghar tak bhi pahunch jaate hain, contact number dete hai, Facebook ID, Insta ID aur requests and vo.. “Will you be my girlfriend?”, “Are you single?” And blla blla bla… lekin aisa bhi hota hai ki jis ladke ko hum pasand karte hain vo hume dekhta tak nahi aur jo cheezein baaki ladke humare liye karte rahte hain Vo hum chahte hain ki vahi ladka kare jisme hum interested hain, jise hum pasand karte hain.

Usko to shayad ye bhi naa pata ho ki aap use pasand karte hain aur agar ek ladki kisi ladke ko yeh bole ki “I like you” ya “Will you be my boyfriend?” to accha bhi nahi lagta. Maano na maano par yeh sab cheezein ladkon par hi jyada suit karti hai.

Anjan Ladke Se Baat Shuru Karne Ke Special Tips

To ab sawal aata hai ki, agar koi ladki is situation me fas jaati hai to vo kya kare? To fikar not ji… aap bilkul bhi tension mat lijiye, hamesha ki tarah is situation me bhi aapki Pyari dost Shivshi kuch special tips degi jisse aap Anjan ladke se badi asani se baat kar paogi. Bas aapko dhyaan se Ladke Patane Ke Tips padhne hai, ek baar nahi baar-baar padhiye lo taki apne dimaag me ye baatein Tattoo kar sako aur bas phir lag jaiye kaam par. Phir to ladka pakka aapka. Promise!

  • First Try To Know Something About Him

Kisi anjaan ladke se dosti karne se pahle agar aap uske baare mein kuch jaan le to bahut accha hoga, jaan-ne ka matlab yeh nahi ki usse jaakar uske barey mein puch taach karne lag jao balki aap khud apne resources se uske bare me jitna pata kar sakte hain vo pahle pata karlo, ladka kaisa hai attitude wala hai, sweet hai, cute hai, polite hai aur kisi se baat karne mein interested hai bhi yaa nahi.

Agar vo kisi se baat  nahi bhi karna chahta to aap ek try zaroor de sakte hain lekin haan yeh nahi ki usko paglon ki tarah sara time follow karte raho, aisa karne se ladke par aapke liye negative impression bhi padh sakta hai, vo yahi sochega ki aap aisa sabhi ke sath karte hain jo ki bilkul bhi accha nahi hai isiliye iss baat ka dhyaan jarur rakhein.

  • Always Look Good

Sabse jyada jo cheez matter karti hai vo aapka pehrawa yaani aapki Dressing Sense hi hoti hai, aap kya pehana prefer karte ho isse bahut fark padta hai. Har insaan ki choice alag hoti hai aur veh apne choice ke according hi sabh kuch decide karta hai, kuch log kehte hain ki sabse pehle koi bhi insaan hume humare dressing sense se judge karte hai.

Kahin na kahin yeh baat sahi bhi hai lekin ek baat yaad rakhna ki dressing sense sirf  humare bahar ke portion ko sundar aur attractive bana sakti hai lekin andar se nahi. Yadi aap chahte ho ki aapka relation aage tak kaayam rahe to aapko andar se bhi acche rehna hoga yaani apne dil ko khubsurat banana hoga.

Chehre ki khubsurti to samay ke sath dhalti rehti hai par Dil ki masoomiyat to sada jawan rahti hai.

  • Make Yourself Noticeable

Aap koshish karein ki jis insaan ko aap pasand karte hain uske ass-pass hi rahein taaki aap uske notice mein rahein, aisa karne se veh aapki taraf dekhega aur shayad samajh bhi jaye ki aap kya chahte hain.

Kabhi kabhi khud ki taraf attention dilwana bhi zaroori ho jata hai, agar aap usko roz dekhte ho aur to aur jahan vo daily aata jaata rehta hai aap vahi usko dekhne ka wait karte ho to yeh cheez ladke ko notice karwana bahut jaruri hai. Agar aap usey dekhte hain to usey show bhi hone dena kyunki agar aap show nahi karte to aap usey pata nahi chalega aur agar usey pata nahi chalega to aap puri zindagi aise hi dekhte reh jaoge, isiliye show karna jaruri hai aur ek aur baat ka khyaal rakhna usey pyaar se dekhna hai ghoorna nahi hai.

Aap usse choti-moti baatein shuru kar sakte sidha usse personal aur deep questions karna awkward lagega, jaise aap comment kar sakte hain ki aapki shirt bahut nice hai yaa aapki watch bahut acchi hai yaa i like your hairs yaa weather ke bare mein ki aaj mausam kitna accha hai kuch aise comment kar sakte hain, aise karne se vo aap dono ke beech friendship to nahi but haan aap ek dusre ko jan-ne lagenge jo ki ek bahut acchi shuruwat hai.

  • Pass Smile

A Smile is a best make-up that a girl can wear.

Jis ladke ko aap roz dekhte ho, uska wait karte ho aur finally usey bhi pata chal gaya hai to ab baari hai ek step aur aage badhne ki yaani usey smile pass karein, sirf ek simple, sweet aur warm smile aur kuch nahi.

Aap maano ya naa maano ladke bhi ladkiyon ki tarah sharmate hain ab show nahi karte vo alag baat hai. Smiles bahut friendly aur welcoming hoti hain. 

Aap ladke ko dekh-kar ek simple si smile karein aise nahi ki usey dekh-kar bas hansana hi shuru kar dein yadi aap hansenge to usey shayad yeh lag sakta hai ki aap uska mazaak udha rahe ho aur vo guilty feel kar sakta hai, bas ek simple si smile dein aur agar vo bhi aapko smile pass kare to bas samjhiye ki hansa to phasa.

  • Nazron Se Nazrein Milne Do

Jab aapki nazarein uski nazron se takrayengi tabhi to ladke ko pata chalega ki aap usme interested ho. Humari aankhein bahut kuch kar jaati hain. Ankhein humari emotions se judi hoti hain, jo hum sochtein hain vo humari ankhon mein saaf jhalak jaata hai, agar koi padhne waala ho to aankhon ko kitab ki tarah padh leta hai.

Eye contact connections aur interest darshati hai, pyaar mein aankhon ka bahut bada role hota hai, jo baat hum kisi se nahi bol sakte vo baat humari ankhein bol deti hain. Kaafi logon ki aadat hoti hai ki vo bina hille-dulle nahi baith sakte, kabhi baalon ko chedte hain yaa baar baar kapde set karte rehte hain aur bhi bahut si cheezein, bas bina hile-dhule reh nahi sakte lekin jab aap eye contact karenge to in sabh cheezon ko avoid karna, taaki ladke ko lage ki aap sach mein usey pasand karte ho.

Yadi aap Shivshi ki batayi in tips ko follow karenge to definietly jis ladke ko aap pasand karte ho vo aapko pakka apnayega, actually apnayega nahi balki khud hi aapko purpose kar dega.

Agar abhi bhi koi isse related koi bhi problem aati hai toh aap humse comments ke through share kar sakte hai, Aapki Shivshi aapki Love problem ko solve karne ke liye hamesha ready hai.

Shivshi YouTube channel: Friends aapki dost Shivshi ne aapke liye YouTube channel bhi Launch kar diya hai, kyunki maine ye feel kiya ki.. ek baat ko hum kehkar jitne acche se bata sakte hain utni acche se likh kar nahi bata sakte, kyunki likhne me feelings express nahi ho paati, isiliye aap abhi Shivshi YouTube Channel ko dekho, videos me maine bahut si aisi cheezein bhi batayi hain jo yahan nahi likhi paayi! YouTube par har baat ko bade acche se bataya gya hai, to ek baar aap videos jarur dekhna aur pasand aaye to like, share and comment jarur karna. Aur han channel ko Subscribe agar bhuki to Aunty ko bata dungi ki ladki ke dil me kya kya gul khil rahe hai.

To chalo milte hai YouTube par, aap Love & Relationship Tips dekho, stories padho.. tab tak main next topic par kaam shuru karti hu.

Bye, bye. Stay Happy..

2 Comments

Add a Comment

Your email address will not be published. Required fields are marked *