Hi mera naam Sana hai, Main apni story batana chahti hu. Jab Main Part-1 me thi tab ek ladke se meri mulaqat huyi, uska naam Sadik tha. Wo har din mere tution center ke paas aane laga, kabhi kabhi vo mere ghar ke paas aa jata kyunki uske aur mere bhai ke dost same hi the. Isliye kisi tarah se use mera number mil gaya aur usne mujhe call karna start kar diya, wo mujhe har din call kar ke pareshan karta tha. Wo ek padha likha smart gunda type ladka tha.

Sadik mujhe call par bolta tha – “Agar tum mujhse baat nahi karogi aur mere msg ka reply nahi dogi to mai tumhare tution ke paas aa jaunga” jis wajah se Main usse baat karne lagi. Dheere dheere ye baat mere bhai ko pata chal gayi aur mere bhai ne Sadik ke ghar jaa kar uski bahut insult ki, yahan tak ki ushe maara bhi. Kuch ne mujhe galat samjha aur kuch ne Sadik ko. Ye sab hone ke baad Sadik ne mujhe call karna band kar diya, lekin fir bhi jab bhi Mai kahi bahar jaati Sadik us jagah pahunch jata. Wo koi na koi bahana se mere touch mein rahna chahta tha.

Kuch dino baad Vo mujhe alag alag number se call karta aur meri aawaz sunn kar call cut kar deta tha. Isi tarah kuch mahine baad usne mujhe call kiya aur kaha – “Sana Main tumhe bahut like karta hu.” Maine kaha – “Sadik in sab baat ka koi matlab nahi.” Aur un dino Main ek ladke ke sath relationship me thi. Mai jab bhi Sadik se ye baat kahti ki mai kisi aur ko pasand karti hu to wo bahut gussa ho jaate, bahut sunate mujhe aur bahut daantte. Wo kahte mere alawa tum kisi ki nhi ho sakti.

Yeh Pyar Hai ya Nafrat Ya Badla - Sana Seikh Sadir Love Story

Dheere-dheere Sadik mujhe fir se pahle ki tarah regular call karne lage, Main mana karti phir bhi wo nahi sunte. Main unhe bolti ki – “Bhai ko pata chal jayega, Mai aapse baat nahi karna chahti” phir bhi unhe koi fark nahi padta. Sadik bahut gusse aur attitude wala ladka hai unhe thodi thodi baat par gussa aa jaata hai. Main jab bhi unse baat karna band kar deti wo drink karna start kar dete. Sadik pahle se drink nahi karte the, jab se mere wajah se mere Bhai se jhagda hua tab se karne lage the aur mujhse kahte hai ki – “Tum mujhe barbad ki ho, Main bhi tumhe barbad karunga.”

Lekin jab bhi wo mujh par gussa karte aur mai rone lagti to wo bahut normal ho jaate, mujhe bahut pyar se chup karwate, meri har baat sunte. Lekin jab bhi main unhe kahti hu ki mai kisi aur ko pasand karti hu ya main aapse nafrat karti to wo bahut gussa ho jate, Mujhe bhut bura bhala kahte. Mujhe lagta hi nahi ki Sadik mujhse pyar bhi karte hai, kyi baar aisa feel hota jaise vo sach me mujhse badla lena chahte hai. Yahan tak mujhe unki har ek Gf ke baare pata hai. Wo apni har gf ko yahi kahte ki Sana ko Mai bahut pyar karta hu tumhe mujhe accept karna hai to Sana ke sath hi karna hoga agar koi ladki unhe mujhe chorne ko bolti to wo use chor dete, phir mere paas call kar ke mujhe batate.

Ek pal me wo itni nafrat dikhate hai, kahte hai – “Tumhare jaisi ladki se kaun pyar karega, nafrat hai mujhe tumse” magar jab Main apni life me adjust ho jaati to wo phir aa jaate. Mujhe bolte, raat tak WhatsApp par online nahi rahogi, FB nahi chalaogi aur kisi anjan ladke se baat bhi nahi karogi.

Khud kitni ladkiyon se baat karte hai, magar mujhe kisi se nahi karne dete. Jab mere Dad ki death huyi to wo mere ghar bhi aaye the bina dare, ye bhi nahi socha ki mera bhai kya karega unke sath. Mera ek aansu unse bardasht nhi hota, dusre pal meri beizzati bhi bhut karte hai.

Hum logon ko mile huye 4 saal ho gye, phir bhi hum dono ek dusre se alag nhi huye. Hum dono me jhagda hota ek mahine tak baat band rahti aur fir wo khud ek mahine baad call karte. Maine aaj-tak in 4 saalo me ek call bhi nhi ki Sadik ke paas, magar phir bhi vo mujhe call karte rahte hai.

Mujhe samjh nahi aata ye kya hai! Pyar hai ya nafrat hai, ya fir badla hai. Aakhir ye kaisa rishta hai?

————~~~88888*88888 ~~~————

Hello Doston, to ye thi apni friend Sana ki Love Story jo kisi bhi ek typical Bollywood Love film se kam nhi hai. Aapne ye story padhi, umeed hai aap Sana ki situation samajh gye honge. Ab agar aapko is baare me kuch bhi kehna hai ya Sana ko koi suggestion deni hai to comment ke jariye aap apni baat Sana tak pahucha sakte hai. Alvida 🙂

Published by Shivshi

Hello Ji :) Main hu Shivshi. Student hu but Love matters ko achi tarah samajhti hu. So ye site bnayi hai aapki help ke liye. Kuch bhi problem ho ya kuch puchna ho, bolo bina tension.. ♥ Reason for late reply.

Join the Conversation

7 Comments

Your email address will not be published. Required fields are marked *

  1. Hello sana…… maine tumhari love story achhe se padhi hai….. or tum is waqt bahut hi complicated situations se gujar rahi ho…..
    Main tumhe ye batana chahungi ki tumhe khud yeh janane ki koshish karni hogi ki tum Sadik k bare me kya sochti ho….uske liye kya feel karti ho….jab oh tumhare sath hota hai tab tumhe uske sath dar mehsus hota hai ya tum uske sath comfortable feel karti ho….tumne bataya hai ki aap dono ko mile 4 saal ho gaye hai….itne samay me tumne Sadik ko thoda toh jaan hi liya hoga…jaise ki uski achhi or buri aadte…. Uska dusron k sath behavior….or sab se important oh tumhare sath kis tarah pesh aata hai….har Ek ladki yahi chahegi ki jo ladaka use pyaar karta hai oh or kisi se pyaar na kare….or yaha tumne bataya hai ki Sadik ki sare GF ke bare me tum janti ho…….Yaha yeh sawal uthta hai ki tum Sadik par Trust karti ho ya nahi….q ki chahe jo bhi rishata hai…chahe jaisa bhi ho….har ek relation me Trust bhot important hai…. i hope tum meri baat ko samjh rahi ho….
    Or jaha tak Sadik ka sawal hai… agar oh tumse pyaar karta toh tumhe u aise WhatsApp, Facebook, ya or koi social media sites use karne se na rokta….ya kisi or se communication karne se rokta….use tum pe Trust hona chahiye. Uski baton se toh yahi lag raha hai ki oh tum par trust nhi karta…
    Kisi ko bhi itna haq nahi hai ki koi or apne life k decisions le ya apne faisale jabardasti kisi pe thop de… tumhe apne life k decisions lene ka pura haq hai….tum kisi or k faisale ko apne faisale mat banana….
    Frankly tumhe yahi bolna chahungi ki us ladke k bare me sochna band karo. Oh tumhare liye sahi nahi hai.. tum dil se nhi balki dimag se socho or decision lo…q ki aise jindagi me bahut si baate hoti hai jinhe hume dil se nahi balki dimag se sochna chahiye…
    I hope meri yeh kuch tips tumhari problems kam karne me help kar de…..
    Jo bhi result aayega plzzz humare sath share karna…

    1. Sahi kha aapne, bhut achi salah di hai. Keep on visiting our site and help others. Bcoz Nothing is better thab helping others.