Lover Se Shadi Karni Hai, Parents Nahi Maan Rahe! Love Vs Family

Agar aap bahut time se ek relationship mein hai aur genuinely apne lover ko pasand karte hai aur ab aap dono apni shadi ki soch rahe hai aur apne ya partner ke parents ko manana chahte hai but aapke paas itni himmat nahi hai ya aapko samajh nahi aa rha ki kaise baat kare ya fir vo maan nahi rahe to Relax, aaj aapki Shivshi aapki ye problem bhi solve kar degi. Believe me, Main aapko aise tips dene ja rahi hu jinhe agar aap sahi se follow karo to vo aapke liye ek magic se kam nahi hoga.

Sabse pahle to agar aap marriage ka decision final karne ki baat soch rahe hai toh sabse pahle yeh soch lein ki… kya yeh sahi time hai aur aap iske liye sach me ready hai! kyunki marriage ka decision lena koi choti baat nahi, yeh bahut badi responsibility hai and agar aap sure nahi hai toh aap abhi apni partner ke family se baat na kare jab aap puri tarah ready ho jaaye sirf tabhi baat kare.

How to Convince Parents for Love Marriage

Ab agar aapne final kar hi liya hai ki aapko apne Love partner ke saath shaadi karni hi hai to chalo fir ab baat karte hai, Shadi Ke Liye Parents Ko Convince Kaise Kare ke baare me..

Share Your Secret with Close Member of Family

Ghar Walon Ko Shadi Ke Liye Manane Ke Tips Hindi Me

Sabse pahle aap apni family ke kisi close member (jiske saath aapki sabse acchi banti hai) ko apna secret bataye. Unhe directly ya indirectly ye signal de ki aap kisi ko pasand karte hai aur aap is baare me unse koi baat karna chahte hai. Bas Aap ek baat jarur yaad rakhe ki baat karne ka sahi moka dekh kar hi ye baat kare, yuhi kabhi bhi shuru na kar dein. Agar baat sahi tarah se aur sahi tarike se nahi kahi gyi to isse aapki baat kharab bhi ho sakti hai. Agar har kosish ke baad bhi aapka close member nahi maan raha toh phir aap apne parents se jaa kar baat kare jab unka mood acha ho tab aur apne parents ko sab kuch bata dein, unse kuch bhi nahi chupaye. Apne relationship ke bare me bata dein ki aap kitne mann se apni lover se marriage chahte hai aur sahi time dekh kar apni girlfriend se bhi mila dein jisse woh thoda jan pehchan lein aur ek dusre ke sath comfortable ho jaaye. Aap apne parents ko assure kar dein ki iss baat se kisi ki bhi social image kharab nahi hogi.

Vo Jo Bhi Bole Chup-Chap Suno (Beech Me Mat Bolo)

Listen Them

Possibilities hai ki aapke parents is rishte ke liye maan bhi jaiye but phir bhi aapko unki sari baatein sunni hogi agar NO bolein toh aapko sunna hoga uss par aap react nahi kar sakte hai. Aap ye janne ki koshish kare ki aapke parents kis baat ko dislike kar rahe hai woh kuch bhi ho sakta hai like Caste, Social issue, Language, Family Background any thing. Yaad rakhe behas karne se kuch nahi hoga aapko unki baat sunni hogi aur pata karna hoga ki unko kis baat ka dar hai aur unka yeh dar dur karna hoga chahe jaise bhi ho.

Stay Calm – Har Haal Me Apna Dimag Shant Rakho

Stay Calm

Aapke parents aapse bahut sare questions puchenge aur aapko unki har baat ka properly answer dena hai, kisi bhi baat par galti se bhi over react nahi karna hai. Aapke liye yeh baat normal hogi but aapke parents ke liye yeh baat normal nahi ho ye possible hai, unko har baat ke liye concern karna padega woh har baat ke liye pata lagayenge  aapke pasand se related har baat puchenge. Ho sakta hai parents gussa bhi kare but its OK, yeh action bante hai aap full confidence mein rahe har baat ko maturely handle kare. Aap unhe btaye ki is baat se aapko kitna fark padta hai and agar aisa nahi hota hai to is baat ke kya mayne honge aapki life me.

Always Be Positive While Talking

Be Positive

Aapke relationship ko leke mushkilein toh bahut ayegi but aapko har baat ko positively lena hai, aapko bahut tough lagega but aapko ghabarana nahi hai shuru-shuru mein problems aayegi par last me sab thik ho jayega aur agar aap himmat har ke baith gye toh phir aapki marriage ka kuch nahi hoga isliye aapne end tak manana hai give up nahi karna hai. Unhe facts btaye ki isse aapki life par kya asar padega. Aap unhe samjhao koi acha example de kar.

Thodi Nautanki – Thoda Drama

Some Drama

Yes aapka thoda dramatic hona kaam bana sakta hai. Agar aapke parents nahi man rahe hai toh aap unpar thora emotional atyachar kar sakte hai, like aap khana na khaye, parents ki har baat ko maane, ghar par rahe pura din, udas rahe, raat ko soye na, pareshan dikhe, isse aapke parents is baare me seriously sochne ke liye to jarur time nikalenge, jab unhe dikhayi dega unka baccha kis haal me hai to ho sakta hai unka bhi Dil pighal jaaye. Kyunki yeh fact hai ki agar aap apne parents ke piche lage rahenge toh woh aapki baat ko importance nahi deinge but jab aap khamosh ho jayenge toh parents aapki baat ko understand karenge.

Meeting Arrange Kare

Meeting

Aap apni lover ke sath apni family ki ek meeting plan kare jisse aapke parents ko aapki Gf ko janne me help milegi. Aap apni girlfriend ko bhi bole ki aapki mother se baat kare, kyuki jab 2 females ek dusare se baat karti hai toh woh ek-dusre ko samjhne mein jyada kamyab hoti hai kyunki kuch baatein aisi hoti hai jo kuch log hi ek dusre se baat karke hi samajh sakte hai. Aap aisa bhi kar sakte hai ki aap aur aapki mother hi aapki gf se milne jaaye kyuki agar aapki mom ne aap dono ke relationship ko understand kar liya toh phir aapki family ko manana asan ho jayega. Ek baat yeh bhi hai ki aapki mom mein itni power hoti hai ki woh aapki puri family ko mana sake isliye sabse asan target yahi hai aur best bhi. Aakhir Maa ka dil to apne bacche ke liye hi hota hai 😉

Problem Waali Baat Ko Samjhna Jaruri Hai

Analyze Your Problem

Jab aapko saari problems ka pata lag jata hai toh aap ab un problems aur insecurity ko dur karne ke liye jo bhi kar sakte hai vo kare. Ye baat jarur hai ki ye kaam kaafi muskil hai par bade kaam ke liye badi muskil to aayegi hi.

Aap parents ko time dein sochne ka aur aapki baat ko samajhne ka, kyunki yeh unke liye ek bada issue hai digest karne mein time lagega hi. Ek baar woh samajh gaye toh phir aapka kaam ban jayega phir aap unko apne partner ki family ke sath mila sakte hai aur aage sari baat aapne aap adjust hoti jaiyegi. Bas aapne confidently apne parents tak baat le kar jana hai aur bahut Patiently manana hai.

Facts & Emotion Se Baat Kare

Aapne 3 idiots movie to jarur dekhi hogi usme jab Farhan apne Papa se Engineering chodne aur photography karne ki baat karta hai to vo nahi mante aur bahut gussa hote hai, lekin jab vo apne Papa ko kehta hai ki – “Agar Photography karunga to kam paise kmaunga, chote ghar me rahunga, gaadi choti hogi… par Papa main khush rahunga..” Isi tarah aapko bhi apni baat parents ke dimag me dalni hai.

Aap apne Mammi-Papa ko ye baat samjhane ki kosish kare ki is cheez se koi problem nahi hogi. Log shuru me kuch bolenge par vo to vaise bhi kuch na kuch bolte hi hai kyunki… Kuch to Log Kahenge, Logon ka Kaam hai Kehna!

Apna Chanakya Taiyar Rakhe

Parents se Love Marriage ke baare me baat karte time agar aap kisi family member, ristedar ya Papa ke dost ko pahle se hi pata ke rakhe to vo aapki bahut help kar sakenge. Mere kahne ka matlab hai.. aapko apne back-up ke liye apna Chanakya ready karke rakhna hoga. Parents se baat karne se pahle aap unse sab baat bata kar setting kar lein aur fir uske baad ghar walon se baat kare taki agar kuch gadbad ho gyi to vo sambhal lein. Par dhyan rahe, ye setting kis person se karni hai uska faisla soch samajh kar lena hoga, kahi aisa na ho ki vahi insan aur badi musibat khadi kar de. Vaise ye kaam best Bhabhi, Mama ji ya fir Papa ke vo dost jo aapko bahut layak samajhte hai vo kar sakte hai.

Sahi Time Aur Tareeka Sabse Jaruri Hai

Doston mujhe puri umeed hai ki ye tips aapki life ki sabse badi problem ki solve karne ke liye bahut hai. Bas aapko in tips ko sahi time par mauka dekh kar istemal karne hai, timing bahut matter karegi… matlab Mauke Pe Chauka Marna hoga.

Ghar waalon se aise time me is baare me baat na kare jab vo kisi cheez ko le kar pareshan ho, tension me ho ya family me koi issue chal rha ho, agar aapne galti se bhi kisi problem ke beech me ye baat ki to samajh lo watt lag gyi.

Final Tip

Dekho friend, humara kaam hai kosish karna jo mujhe pata hai aap puri shiddat se karoge kyunki aap chahte ho ki aapko apna pyar mil jaaye, but faisla lene ka kaam hai Ghar waalon ka. Aapne apni har kosish ki aur vo maan gaye to isse accha to kuch ho hi nahi sakta.

But… Agar aapki har effort ke baad bhi vo nahi maan rahe to baat aati hai ki ab kya kare! Ab baat ko chahe jitna marji ghuma fira lo par last me aise  mamle me 2 cheez hi possible hoti hai..

  1. Ya to apna pyar nibha lo aur ghar waalon ki baat ko ignore kar do.
  2. Ya fir Ghar waalon ki baat maan lo aur apne pyar ka balidan de do.

Ab in dono me se kisi bhi ek option ko choose karna aapne liye aasan nahi hoga aur yakeen maano ye kisi ke liye bhi aasan nahi hota. Ab aap kya faisla lete hai is cheez ke upar aapki puri life depend hoti hai isliye jaldbazi me ye faisla kabhi na kare, har baat ke baare me pahle soch lein aur tab hi faisla kare. Agar aap sure nahi hai aur confuse hai to aapko final decision lene ki jarurat nahi hai. Galti se bhi aisa na kare!

Suggestion: Agar aap decision nahi le pa rahe hai aur is point par fas gaye hai aur aise situation me aapka partner aapko jaldi faisla lene ke liye force kar rha hai ya rahi hai to yakeen maano aapki choice galat hai. Is baat ko samajh lo ki, jo insan aapko aapki life ka sabse bada decision soch ke theek se nahi lene de rha hai vo acha life partner nahi ho sakta.

Ab aap chahe koi bhi decision lo, family ya love dono me se ek ke saath to bura hoga hi aur yhi sabse muskil situation hai. Mujhe nahi pata aise case me kya karna chahiye aur aap kya karoge, par Main ye janti hu ki.. end me har person vhi karta hai jo usko sahi lagta hai.

Main bas yahi chahti hu ki aap vo decision na lo jo aapko sahi lag rha hai balki aap vo decision lo jo aapke liye asal me sahi hai.

Pyar Aur Parivar Me Se Kisko Chune – Shivshi Tips

Ab Main yha apna personal suggestion share karna chahungi. Agar main aise situation me fas gyi to Main Parents ke saath jaungi, matlab main Pyar aur Family me se Family ko choose karungi aur ghar waalon ki baat maan kar apne pyar ki kurbani dungi.

Kyu? Kyunki Main kisi se pyar karti hu ye baat sahi hai par mujhe pata hai Meri family bhi mujhse pyar karti hai, infact meri Mammi aur mere Papa se jyada mujhe duniya me koi pyar nahi karta aur na hi kar sakta hai. Aur mere liye meri felings se jyada important hai Mere parents ki feelings.

Agar main apne pyar se shaadi nahi karungi to uska dil dukhega par agar main usse shaadi kar lungi to mere Ghar waalon ka dil tut jayega. Ho sakta hai pyar karne waala person aise situation me preshan ho, dukhi ho aur roye par mujhe pata hai agar main apne Papa ki marji ke khilaf shaadi karungi to mere Papa aur meri Mammi ka Dil zindagi bhar royega.

Mere bade bhai jinhone puri zindagi mere ek baar kahne par har ek cheez ki, chahe jaise bhi ki unko main aisi situation me kaise daal du ki vo apne doston se najre na mila paaye. Apne office me unko jillat jhelni pade. Mere bhai mujhe tab se pyar karte hai jis din main paida huyi thi, meri kisi takleef me mere Bhai ki aanshu nikal aate the us insan ko main kaise zindagi bhar le liye sharminda kar du.

Abhi mere Papa society me ek rutbe waale insan hai, jab vo ghar se walk ke liye nikalte hai to log ijjat se haal-chal puchte hai aur main ye kaise kar du ki kal se mere Papa ghar se bahar nikalne me bhi sharam mehsoos kare. Agar koi unse haal chal puch le to vo muskura ke jawab bhi na de sake.

Meri Mammi jo mohalle ki sabhi ladies ki best friend hai usko Main kaise zindagi bhar ke taane sunne ke liye chor du sirf apni dil ki baat puri karne ke liye. Meri mammi ki tabiyat kharab hoti hai tab bhi vo hi khana banati hai taki mujhe study chod kar kitchen me na jaana pade us Maa ko main kaise rula du.

Main apni khushi ke liye apne ghar ki khusiyan ujaad du Main itni matlabi nahi ho sakti, fir chahe mujhe uske liye koi bhi gum sehna pade. Vaise bhi duniya me bahut log pyar karte hai par sabko apna pyar mile ye jaruri nahi hota. Duniya me rojana anginat rishte bante hai aur bigadte hai isliye agar mera pyar mera na ho saka to koi baat nahi.

Kyunki ye fact hai ki Dukh aur ijjat me fark hai, dukh hamesha nahi rehta, har dukh ek din chala jaata hai par ghar ki ijjat ek baar chali gyi to fir vo vapas laut kar nahi aati.

Isliye my dear friend, I don’t know you are a Boy or a Girl but main aapko bas yahi kahungi jo karna soch samajh kar karna. Ummed hai aapko apni Shivshi ki baat pasand aayi hogi. Koi sawal ho to puchna, jyada tension mat lena.

Now read: Love life Problems aur Uske Solutions

Add a Comment