Aisa aksar hota hai ki koi hume pyar karne lagta hai, par hum nahi karte. Ye behad serious baat hai aur ab baat ye aati hai ki, aise me kare kya? Hum kisi usse pyar nahi karte par hum usko hurt bhi nahi karna chahte to aisa kya kare jisse ye complicated problem easily solve ho jaaye. Aksar dekha jata hai ki kisi ko hum bahut pasand hote hai aur vo hume pyar karne lagta hai par humare dil me uske liye aisi koi feeling nahi hoti, ya hum us person ko us way me nahi dekhte. Mostly ye ladkiyon ke saath jyada hota hai, aur kyi baar vo is baat se bhut preshan hoti hai. To aaj Main isi complicated Love situation ko handle karne ke kuch baate share karne waali hu apne pyare doston ke saath aur mujhe umeed hai isse aapko apni problem solve karne me help milegi. 🙂

Jo Humse Pyar Karta Ho Usse Kaise Deal Kare

To chaliye ab baat karte hai ki aisa kya kare jisse hume chahne waale ko bura bhi na lage aur ye problem bhi smoothly solve ho jaye.

Agar Koi Humse Pyar Karta Hai, Par Hum Nahi Karte Ho To Kya Kare tips in hindi me 1

Actually aisa normally tab hota hai jab koi friend kisi friend ko pyar karne lag jata hai par wo nahi karta ya karti, usko friends se jyada samajhne lag jata hai. Lekin isse problem dono ko hi hoti hai, yaha tak ki jo friendship ka relation hota hai wo bhi tut jata hai ya pahle jaisa normal nhi reh paata. Jo aapko pyar krta hai aap usko btana chahte ho ki aap use pyar nahi karte to conversation (baat) hi sabse acha tarika hai. Isliye tensed hone ki bajaye aap baat karo aur problem ko solve karo.

Anjaan Bane Raho

Agar aapko aisa feel hone lagta hai ki wo aapko pyaar karne lga hai to aisa show hone mat do ki aapko pta is baat ka chal gya hai. Kyuki agar koi aapko pyaar Karne lag gya hai to wo show karega ya alag behave karega, wo aisi koi baat karega jisse aapko pata chal jaye ki wo aapko like karta hai, uski us baat ko ignore kar do. For example, wo aapko love messages send karega to aap usko ignore karo bajaye iski ki aap usse is baare me koi baat karne lago. Baat karte time agar wo alag tarah se (girlfriend waale way me) baat karta hai ya karti hai to aap use show karo ki aapko is baare me kuch pata nhi aur aap baat ko dusri kisi baat se khatam kar do aur aage baat karne ki bajaye uth kar chale jaao ya kuch aur karne lago.

Kab Aur Kaise Baat Kare

Agar baat tab bhi nahi banti hai to ab aapko tarika badal kar uske saath is bare me baat karni chahiye, jitna aap wait karoge utna hi uski feelings aapke liye badhati jayegi. Isse acha hoga ki aap jaldi se jaldi is matter par baat karo aur sab kuch clear kar do. Aap is par baat karne ke liye koi acha time aur shant mahol dekho, is baat ka khyal rahe ki jab aap usse is bare me baat kar rhe ho to us waqt aap dono ke saath aur koi teesra insan na ho, taki usko bura ya embarrassment feel na ho aur vo apni baat comfortably kah sake. Usko pehale btao ki aap usse ek seriously koi baat krna chahti /chahta hai, aur seriously hi baat karo nahi to wo is baat ko seriously understand nahi kar payega.

Kya Bole

Usse pyar se smile ke saath politely baat karo jaise “Tum mere bahut ache friend ho but kuch dino se tumhare behaviour aur tumhari baaton me bhut changes aa gya hai, maine pahle ignore karne ki kosish ki par mujhe ab lagta hai ki hume is baare me abhi baat kar leni chahiye. Mujhe aisa lagta hai tumhare mann me mere baare me kuch feelings hai, kya aisa hai?”

Agar samne se vo bolte hai, `Nhi aisi koi baat nhi hai` to smile ke saath bolo “Fir theek hai, main nhi chahti ki main kisi ko hurt karu isliye maine socha agar aisi koi baat ho to clear kar deni chahiye. Log man hi man pta nhi kya kya soch lete hai aur fir baad me uske karan problems hone lagti hai.”

Aur agar vo kuch bhi aisa kehta hai jiska matlab `Haan` hota hai to use bolo.. “Dekho dear, Main aapko kisi bhi tarah hurt nhi karna chahti. Mere dil me aapke liye is tarah ki koi feeling nhi hai aur Main jabardasti kisi ke liye bhi apne Dil me koi feelings lana nhi chahti, isliye meri baat maano aur mere baare me is tarah sochna band kar do.

Isse usko bura bhi lag skta hai par aap usko ye bol sakte ho ki, Please meri baat ka bura mat manna, Hum jaise friends hai vaise hi friends rahenge. Usko ye btao ki iske baad bhi uski feelings aur reputation kam nahi hogi, jaise pahle thi vaise hi rahegi. Uski har baat ko pahle ache se suno, fir usko ache se samjhao isse aapko bhi help milegi ki uske mann me konsi baat hai aur usko kaise samjhana hai. Jab tak wo samajh nahi jata is baat ko khatam mat karo. Baat karte rho. Use datne ya us par gussa hone ki bajaye shanti se baat karke matter ho solve karna hi samajhdari hai.

Samjhane Ke Baad Kya Kare

Agar aapne usko bta diya hai ki aap usko like nahi karte hai to uske baad usse rude behave mat karo. Kyi logon ko rejection bahut hurt karta hai, log kabhi kabhi is baat ko galat tarah se le lete hai aur ise apni bejjati ya is tarah ki koi cheez samajhne lagte hai. Aap us rejection ke bare me baat na kare, is topic par kbhi bhi future me baat na kare. Uske sath friends ki tarah hi behave kare. Aur agar wo aapse is baat ke baad bhi friend banne ko ready hota hai to sure karo ki wo ab seriously samajh chukka hai aur aage se aisa kuch nahi karega. Otherwise aapko fir se aisi problem face karni padegi, aur kya pta ki aage situation aur bigad jaye.

Usse dheere dheere duri banao, jab vo mile to normally behave karo jaise pahle karti thi par aap usse gap banao, usse jitna duri bane utna acha hoga. Kyunki besak insaan baat samajh jaaye, kyi baar dil apne pyar ko dekhte hi control se bahar chala jaata hai aur iska best prevention yhi hai ki usse kam se kam mila jaaye ya uske samne kam aaya jaaye. Lekin is process me thoda time dena jruri hai, aisa na kare ki ek dum se usse baat karni band kar di aur use ignore karna shuru kar diya.

Friends ye tips the Agar koi aapko pyar karta hai aur aap nhi karte to kya kare ke baare me. Umeed hai aapko is critical situation ko handle karne me humare is Love & Relationship Tips se thodi help to jarur milegi, Agar aapko koi isse related koi doubt ya problem aati hai to humse share kare. Main promise karti hu ki aapki help karne ki puri koshish karungi.

Aapki apni.
Shivshi ♥

Published by Shivshi

Hello Ji :) Main hu Shivshi. Student hu but Love matters ko achi tarah samajhti hu. So ye site bnayi hai aapki help ke liye. Kuch bhi problem ho ya kuch puchna ho, bolo bina tension.. ♥ Reason for late reply.

Join the Conversation

44 Comments

Your email address will not be published. Required fields are marked *

  1. agar wo logoko pata chala ki me mamaki ladki se pyar karta hu to wo rista ke liye nhi tayar honge ke nhi .mene meri pyar ko bata diya WO bhi udas he use bhi kuch samaj nhi aa rha ke WO kya kare plz help me ab ham dono kya kare ham sacha pyar karta he

    1. Ab bewakoofi karna band karo, stupid log. Bhai Behan ho tum, kuch laaj-sharam bachi hai ya sab bech khaya hai.

  2. Madam mare friendship fb pr ek ladke se hue vo khate h ke vo mujhse bhut pyar karte h karta to m bhe hu par vo mare se bhut dur rathe h hamari baat bhe bhut kam ho rhe h kiya kru jo vo mare se jyada baat kre ek problm ye bhe h ke m thik se bol nhi pata

  3. hi my name is shahid
    ek ldki h jo hmse bht pyar krti thi usne mujhe prpose v kiya tha but main usse pyr nai krta tha woh bht royi h mere liye ab mujhe v usse pyr ho gya h itna k us k bina hm rh nai skte or woh av v mujhse pyr krti hai per ek complication agya h usne mujhe bhulane k liye move kiya tha woh us ldke se pyar nai krti h breakup chahti h per woh usko dhamki deta h agr breakup ki toh sucide kr lenge main bht preshan hu kya kru kch smjh nai arha h

    1. ek ldki h jo hmse bht pyar krti thi usne mujhe prpose v kiya tha but main usse pyr nai krta tha woh bht royi h mere liye ab mujhe v usse pyr ho gya h itna k us k bina hm rh nai skte or woh av v mujhse pyr krti hai per ek complication agya h usne mujhe bhulane k liye move kiya tha woh us ldke se pyar nai krti h breakup chahti h per woh usko dhamki deta h agr breakup ki toh sucide kr lenge main bht preshan hu kya kru kch smjh nai arha h

  4. M apne gf se bhut pyar karta use mare ladai hogi vo kisi or ladke ke sath khai moll me gumne gai or une muje nhi btya is bare me or mane use is bat bar bhut kuch kha deya or bhaut abuse de di isley vo ab brakap ko kha rhai ha par m use bhut pyar karta hu ap hi bato m kya karo plz do bar asa hi hua ha pphale vo man gai thi ab nhi man rhai ha m bhaut parsan hu kase kare ase kuch bato ki vo muje pyar karne lage or vo abhi bhut pyar karti ha muje se ap bato kya kare plz help me or uska na swati ha muje ap ki help chaye

    1. aap ek paper par apni relationship saari baate achi buri, aapko sabse acha kya laga, aapke liye sabse special time konsa tha… ab jab vo dur hai to aapka din kaise katta hai, aapke dimag me kya kya baat aati hai, aap use kitna miss karte ho and jab aap log saath hoge to vo sama kaisa hoga, aap log kaise zindagi khushi ke saath katoge…. ye sab cheez detail me likho, jitne panne bharte hai bhar jaane do aur fir us tak ye letter pahucha do, agar us ladki ke dil ke kisi kone me aapke liye sacha pyar hoga to vo ye dekh kar aur padhkar jarur pighal jayegi. Best of Luck 🙂

  5. Me ek ladki se pyar karta hu. Wo kareeb hi rahti he par kabhi bhi hamne bat nahi ki he. Wo jab bhi jati ankho me ankhe dalkar dekhti rahti or me bhi. Vo kai bar chalte chalte ruk jati or meri taraf dekhti rehti nazr milati fir chali jati. Kai bar balcony se kisi ko awaz lagati or nazar meri taraf dekhti jab nazar milti to chhup jati. Kai time se na vo meri taraf dekhti he or agar muje dekh le to rasta badal deti he . Last day to aisa hua ke vo gali se aa rahi thi or muj par jaise nazar padi to usne apne chehre par dupatta bandh liya .muje samaj nahi ata ki ye sab bato ka kya matlab he . Me apki website always visit karta hu. Or apse sir yahi jan na chahtu ke vo mujse pyar karti he ya nahi or muje kya karna chahiye.e

    1. Simple si baat hai vo chahti hai aap aa kar usse baat karo, confidence ke saath ek Macho man ki tarah. Use aapme interest hai but agar aapne kuch kiya nhi aur bas yun hi dekhte rhe to vo samajh jayegi aapse kuch hone waala hai nhi, aur fir aap jo marji kar lo vo nhi milegi aapko. So Go talk to her… Dosti karo, yha vhan ki baate karo, apne no.s exchange karo, chatting karo, hansi majak karo aur haan uski tareef karna mat bhulna. Fir jab baat ho rhi ho to koi acha sa mauka dekh kar apne dil ki baat keh do.

  6. Mai ek ladki se pyar karta hu or maine usse purpose kr diya tha usne mujhse kaha ki ye abhi uske career ka samay hai or tumhe bi apni pdhai pr focus krna chahiye with smile wo mera purposal reject kr ke chali gai mai kya kru?

    1. Thankx dear, no problem dear next time me jyada mehnat karungi and btw thankx for the suggestion i like it.

  7. Hlo..
    shiVishi ..
    Yr yeH baaT aapKi tHeek Hai…
    bT jisNe Saari duniya hii use bNa liYa …
    Ho ….
    auR bSs mujHe Ye bTaa do ,kk Vo ladKa Use bhuLe Ton bHule kaiSe ….
    yR hRr Time vo Usi ke bAare mai hii socH Ta raHe ………
    vo Nahi ton Sbb khaTam smJe ….
    bhuLane ki koshish kRe….. Baar baar
    Lekin …. :’ (